له حقيقت نه دې خبر نه شومه

له حقيقت نه دې خبر نه شومه

چې دنظر نه دې بهر نه شومه

ډېرې مې وژړلې شپې در پسې

خوپه خندا لکه سحر نه شومه

ته خو په کسيو کې نظر يې زما

زه دې په کسيو کې نظر نه شومه

ځکه بې درېغه پامالېږمه زه

چې (زه) پايمال د چا په در نه شومه

تاته که هم زه رسېدلی يمه

خو له خپل ځان ځنې بهر نه شومه

په هر منزل له خپله ځانه بغير

چا سره چرته سر په سر نه شومه

ستا په محفل کې که زه نه ښکارم

خو چې دننه وم بهر نه شومه

ستا چې برجل د بر نه پردی اشنا

خير دی که زه له برنه بر نه شومه

غيريت نشته خو بياهم نشته حمزه

چې له اشنا نه بې خبر نه شومه