غزل لږ د نورو ښکليو له اندازه جدا تېروځه Hamza Shinwari Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 لږ د نورو ښکليو له اندازه جدا تېروځه جار دې له هوښيارو سترگو ښکليه په ما تېروځه 02 څوک به اشنا تېرباسي چې يوځل دې بيا تېر باسي ښه! زما هوښياره زړه چې تېروتې بيا تېروځه 03 کار ديار د مخ د تصور و سباوون نه و چا ويل مَېنه د سپوږمۍ په رڼا تېروځه 04 راز د مېنې زده کړه چې په راز د مينې پوهه شې تېروځه د ښکليو په بېگا او سبا تېروځه 05 زه دې تل په مسکو خندنو سترگو تېروځمه شوخه ته خو هم کله زما په ژړا تېروځه 06 سر و مال به څه وي چې مې زړه درنه قربان کړلو نه دتش ديدن په دې ناڅيزه بها تېروځه 07 گېر شوې چې ښکلا د تورو زلفو ته دې هڅه کړه چا ويل حمزه چې په دې ښکلې بلا تېروځه Dictionary meaning × Headword
