ماته خو معلوم شو چې کوم خوند دی په توبه کې

ماته خو معلوم شو چې کوم خوند دی په توبه کې

څه ښکاري واعظ ته چې کوم کيف وي په باده کې

څومره ارمانونه مې موسکي موسکي رخصت شول

تا چې مې خندا وکړه د اوښو په شېبه کې

تا چې په سحر کې غزونې اشنا وکړه

ما وې جوړ جنت دی ستا د لېچو په حلقه کې

ای د نرگسي سترگو خاموشه انتظاره

څه خبر لوڅي دې کړه پيدا زما په شپه کې

خط د پيمانې دې منافي له پېرزوينې

زړه خو دې درياب و ساقي ډوب شو په باده کې

راغی تصور يې اسوېلي او رپندي شول

څنگه مې يخني وشوه په ټکنده غرمه کې

پرېږده حمزه پرېږده ته مجرم ښه يې اشنا ته

ما پرېوځه ددې غلط فهمۍ په ازاله کې