مجنون دې کړم په عشق کې صحرا ته لاړمه

مجنون دې کړم په عشق کې صحرا ته لاړمه

بېگانه شوم له عقل نه بيديا ته لاړمه

دا ستا ښکلی بشر به فراموش نه شي په ما

هر څو له دې جهانه که عقبا ته لاړمه

مشغول چې يو گړۍ شمه دستا په تصور

گويا دعشق يوډکې دنيا ته لاړمه

سودا د ستا دزلفو مې سودا د ځان کړه مل

بازار د لېونتوب ته دې سودا ته لاړمه

ما سر تر پايه ياره تماشا به کړله ستا عشق

ناتوان د حال زار دې تماشا ته لاړمه

محروم به زه حمزه نه شم له فضله دستار

پښې ابله چې د درد مداوا ته لاړمه