نازونه دې ځواني مومي د زړونو په هدف کې

نازونه دې ځواني مومي د زړونو په هدف کې

ويشتلي زړونه ودرېږي ايله د زړونو صف کې

تکميل د محبت خو په دې کېږي چې رسوا شي

ناقص لا هغه دُر وي چې شي پاتې په صدف کې

جذبه د مينې وايي هر طرف د يار طرف دی

هوس د مينې وايي شته طرف په هر طرف کې

تسکين د زړه په کار دی که په ورد که وظيفه وي

لاچاته له قسمته شي حاصل په چنگ و دف کې

روضې د بې نوا لره ورځه چې ورکوې يې

حمزه! هغه سکون چې به ممکن و په نجف کې