نورې کيسې وايه چې اسانې دي

پرېږده د الفت خبرې ګرانې دي

رامې شي لېمو ته د ديدن په وخت

اوښکې څه ناپوهه رقيبانې دي

خدايږو چې کافر خو مې صهبا نه کا

لا خو زما اوښکې مسلمانې دي

سترګې مې لوستی شي د فطرت کتاب

مخ ته د آشنا چې شي اميانې دي

ستا د جلب شوق يې وې راپېښې شي

دا مې که سلګۍ دي خو مهمانې دي

ګران شو هسې ستا د عشق مۍ ولې

تل چې د عاشق وينې ارزانې دي

غم د هجر يو رټلی بل جواب

داسې مرض داسې دوايانې دي

ښکاري چې حمزه په زړېدو يې اوس

لا دې چې جذبې له پخوا ځوانې دي