اوس چې ورشو دتصور نه مې اشنا تښتي

اوس چې ورشو دتصور نه مې اشنا تښتي

له سترگو مې هر رنگه تماشا تښتي

وحشته څه شوې؟ داسې ښکاري چې په خود شومه زه

څو چې په وړاندې لاروهم رانه صحرا تښتي

د جهالت د مړي داسې عجيبه مسيحا تښتي

چې درمانده يې له علاجه مسيحا تښتي

ولې رندانو دواعظ په ملگرتيا تېروځئ

ماته معلوم دي چې سبا دی که بېگا تښتي

د عقبی سيوری داسراب غوندې دنيا وگڼه

چې عقلمن وي له دنيا او له عقبی تښتي

لږ په دې پوهه شه چې بيا به يې راټوله نه کړې

خوله د هر گل نه په دې باغ کې په خندا تښتي

ستا په تندي کې به رڼا د کوم زلمي وي حمزه

چې درته شي مخ درته ناوې د دنيا تښتي