غزل اوس خو مې داسې يقين راغی چې ما هېڅ ونه وې Hamza Shinwari Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 اوس خو مې داسې يقين راغی چې ما هېڅ ونه وې ځکه چې ما خو ډېر څه ووې خو تا هېڅ ونه وې 02 نن يې نوش کړي جوړ کجل وو څه نشه غوندې وه چې دې اشنا راته د سترگو بلا هېڅ ونه وې 03 داسې به ستا د سخاوت ولې توهين کېده؟ بس وه چې در ته دې حاضر شو گدا هېڅ ونه وی 04 ما د راغليو نه تپوس د هغو تلليو وکړو داسې هيبت وو ټول اخيستي، چې چا هېڅ ونه وي 05 ښکاري چې سترگو يې دتا له سترگو وکړه حيا چې زما سترگو ته يې پام شو قضا هېڅ ونه وې 06 جوړه د مخ نه ولې ستا د استفهام نخښه ده رقيبه ماته اشنا ستا نه جدا هېڅ ونه وې 07 ما وې په غم د محبت کې شته جواز د ميو راته موسکی شو نور په مخ کې ملا هېڅ ونه وې 08 ما وې يو سوال دی، تا په برندو سترگو ووې چې څه دا مې جواب و چې مې دې پسې بيا هېڅ ونه وې 09 واعظه کيف دی د سپرلي که په مطلب پوه شوې نن دې له ميو له روا ناروا هېڅ ونه وې 10 د چا د مخ نه يې محفل کې پلوشې گونگې دي پتنگه تاته که د شمعې رڼا هېڅ ونه وې 11 ښايي چې ژوند د تمنا يې زما خوښ دی حمزه چې يې زما د شوق نظر ته ادا هېڅ ونه وې Dictionary meaning × Headword
