اوس څه قصور زما که چا څه ووې

اوس څه قصور زما که چا څه ووې

ما خو هغه ووې چې تا څه ووې

په برندو سترگور اته گورې ولې

ورځه ته ووايه چې ما څه ووې

جوړ ښکلي هم نه پاتې کېږي ښکلي

پوه شوې چې سترگې د سبا څه ووي

په آيينه به دې غبار پرېوځي

ښکليه که چا درته صفا څه ووې

واعظه چپ شه ته خو دا ووايه

چې د سپرلي مستې هوا څه ووې

يوځلې مخ شوې سره، ښکته شوې بيا

چې سترگو سترگو ته په غلا څۀ ووې

شمله مې نېغه بې اختياره کړله

د پښتنې پېغلې ادا څه ووې

کيف د ديدن ونور خبر نه شومه

گنې ستا سترگو خو بلا څه ووې

يوه خبره وه چې وار يې راغی

نه اشنا تا ووې، نه ما څه ووې

چې خطا وار شو، وارخطا شو ځکه

نشته خطا که وارخطا څۀ ووې

حمزه په مخ چې درته بد نه وايي

خير دی که بد يې شا په شاڅه ووې