په اشارو خبرې مه زده کوه

په اشارو خبرې مه زده کوه

د غلچکو خبرې مه زده کوه

خير په پښتو خبرې مه زده کوه

د مېړنو خبرې مه زده کوه

څو چې اوچت وي هومره زر شي فنا

د بړبوکو خبرې مه زده کوه

در له اجل يې دی تحفه د سکون

د منزلو خبرې مه زده کوه

بس محبت دی وَحده لا شريک

د فلسفو خبرې مه زده کوه

څه اضطراب چې نتيجه يې وي مرگ

د سپېلنو خبرې مه زده کوه

سترگې درنې پورته کوه پښتنې

ته دهندکو خبرې مه زده کوه

آيينه گورې؟ ځانته ځير مه گوره

د زړه ويشتو خبرې مه زده کوه

حمزه ته تل کړه د راتلو خبرې

ولې د تلو خبرې مه زده کوه