غزل پکار مې شوه ژړا د انتظار په توره شپه Hamza Shinwari Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 پکار مې شوه ژړا د انتظار په توره شپه خندان مې نمر د بخت شو راغلو يار په توره شپه 02 د ځان ښودنې شوق يې بې نياز دی له رڼا اشنا لره چې ځي کوي سينگار په توره شپه 03 نور کړه وړه چې وانخلي ستا دذهن آيينه پرسان لره دې راشه د بيمار په توره شپه 04 داغونه مې د زړه کړي چراغان په ډېر فراق اسمان په ډېرو ستورو شي گلزار په توره شپه 05 ډيوې د ارمانونو دي زما په زړه کې گل سودا مه کړه اشنا ددې بازار په توره شپه 06 کړه ورکه د چپيا خبر لوڅي ستا تصور اوس اورم دمژگانو دې ځمبار په توره شپه 07 چې واخستمه ستا دزلفو شپې په رڼا ورځ سم سم به ولې نه کړمه رفتار په توره شپه 08 خالونو دې په ما د اسمان ستوري وشمېرل سودا د زلفو ما لري بيدار په توره شپه 09 حمزه د زړه کاروان دې چې کړو عشق ته حواله ړانده ته ورکوي د زړه مهار په توره شپه Dictionary meaning × Headword
