غزل قربان دې له کاکل نه شوگيرې نه قبلوي Hamza Shinwari Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 قربان دې له کاکل نه شوگيرې نه قبلوي ارمان مې دا اوږدې دهجر شپې نه قبلوي 02 جوړ ښکلي په لويۍ کې شول له خدای نه هم سوا اشنا مې ورته گوره چې توبې نه قبلوي 03 په سترگو کې يې سترگې چې وانه چوې ساقي رندان دې بې نشې ښه دي، کاسې نه قبلوې 04 نور هېڅ مې په خاطر کې نه ځايېږي بې اشنا اغياره مَېن زړه خو وسوسې نه قبلوي 05 رهبر يې چې بې خوفه په دو دو په مخکې ځي دا لارې د صحرا خوقافلې نه قبلوي 06 شايد چې تماشه شم د اشنا په تماشه نن ذوق چې د ښکلا مې تماشې نه قبلوي 07 حمزه چې ورته راشي هغه نمر د حقيقت بيا داسې زړونه هېچرې تيارې نه قبلوي Dictionary meaning × Headword
