غزل راز د هستۍ هېڅ رامعلوم نه شو ښه پوهېږم Hamza Shinwari Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 راز د هستۍ هېڅ رامعلوم نه شو ښه پوهېږم درېغه مطمين که شم په دې چې ښه پوهېږم 02 زه چې اشنا پوه شوم ستا دسترگو په خبرو اوس مې شو دا حال چې د هر چا په زړه پوهېږم 03 وي په هر انداز کې دې بې شماره اندازونه څو که فکر وکړم نه پوهېږم که پوهېږم 04 بس خو په بلنه دې ارمان راضي کومه وگڼي ډېر ښه د تا په نه راتله پوهېږم 05 ځه ريباره لاړ شه نن پخپله خپل ريبار يم خپل خپل اشنا سره به خوله په خوله پوهېږم 06 کيف د حسن څه ورته عيان کړمه همدمه هېڅ ويلی نه شم که پوهېږم نه پوهېږم 07 ولې ما حمزه ته بې له عشقه نور څه وايې زه يم دنيا داره لېونی، په څه پوهېږم Dictionary meaning × Headword
