رڼا

د هغو له مخې هر کله رڼا وي

چې په مخکښې يې د حسن تجلا وي

د سپين مخ په رڼا زړونه ژوندی کېږي

دبلبل ژوندون دگل په تماشا وي

چې ښايست د چا په سترگو کښې ځای وکا

يو نظر يې هم اکسير وي هم کيميا وي

دجمال رڼا ته مونږه خوشحالېږو

منتظر د تورې شپې غله د دنيا وي

له ښه مخه څوک مخ نشي اړولی

زاهدان ورته کتونکی په غلال غلا وي

عبادت نه دی گناه ده ډېره لويه

که طاعت حقيقي نه وي د ريا وي

چوکۍ نه ده شخصيت دی دساتلو

که چا خپل ځان پېژندولو

لوی دښمن دشخصيت شخصي نظام دی

په نطفه کښې يې لا وژني که د چا وي

چې رڼا وي د ايمان د چا په زړه کې

دخپل وخت فرعون لره لکه موسی وي

څوک چې لوی اختر کوي قرباني هم کا

سود وزياتن د دنيا هر وخت خوا په خوا وي

نه پټېږي منور فکر مغزوکښې

نه پټېږي که دچا بدن کښې سا وي

که رڼا ده د ښکلا ده يا دعلم

مخ د هغه چې دانا وي ياليلی وي