سرکوزي مې هله زده کړه چې سر نه و

سرکوزي مې هله زده کړه چې سر نه و

مينې لر د عقل وليد چې بر نه و

ستا په مخ څرگند شول پټ عيبونه

ذرې کله د ليدو وې چې نمر نه و

په شپه راغلې په شپه لاړې او لاشپه ده

خبر نه وم چې دې شپې له سحر نه و

تبسم له طنزه ډک دې هم ونه کړو

دومره هم مې په ژړا کې اثر نه و

ديدن حرص د سپي په خوله کې ورکړم

نن خبر وم چې دربان دې په در نه و

اننگي دې چې شول سره زما تصوير ته

چا ويل د ړندو سترگو نظر نه و

ده ويل چې يو ليدل کوي دوه سترگي

حمزه! ستا له دورنگۍ نه خبر نه و