غزل څوک چې عاشق وي په رښتيا په زړه کې ځار نه لري Hamza Shinwari Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 څوک چې عاشق وي په رښتيا په زړه کې ځار نه لري درقيبانو په غوغا هډو څه کار نه لري 02 نه راځي ځکه خريدار زما ديار دخيال چې بې له غمه مې سودا د زړه بازار نه لري 03 زړه يې زما دی خوافسوس چې د رقيب له غمه کور ته زمابه تله راتله، خو اختيار نه لري 04 د آيينې له زړه نه بار د يو وېښته وپوښته زما په زړه کې غر دغم کېدې نو بار نه لري 05 زه په ځنگل کې د عشق باز يم چرچڼک نه يمه چې د تنزري کوي ښکار په دانه کا رنه لري 06 که محبت وي د ذلت سره نو مرگ به ښه وي د سرکوزۍ وصف صفت خو کوهسار نه لري 07 يار به د عشق د پاره پرېږدم خو شريک نه منم اور سلامت چرې دځان سره يو تار نه لري 08 په برکت د بو تراب سر د حمزه په فلک څه شو په دا که سجاده خرقه د ستار نه لري Dictionary meaning × Headword
