ستا اختر دې د اختر لکه اختر وي

ستا اختر دې د اختر لکه اختر وي

تل په مونږ دې دستا سوری بختور وي

په هر ځای چې د حضور قدم رانجه وي

تر قيامته دې هغه مشک وعنبر وي

خدای به عمر کړي عطا د خضر تاته

په دعا کې که زمونږه څه اثر وي

که څوک غوث وي، که ابدال وي، که اوتاد وي

ستا نشان ته دنياز دې ښکته سر وي

طالبان د العطش نعرې به نه کا

پېښور کې چې موجود حوض کوثر وي

حمزه ستا د درد علاج به اخر وکړي

که هر څو دې حال له مړو نه بتر وي