سترگې دې ست راته کوي داشارو په ژبه

سترگې دې ست راته کوي داشارو په ژبه

خو څه باور نه شي کېدی د لېونو په ژبه

ماته ډيوو دي راښودلي د سلگو په ژبه

چې يادوم دې د سحر د اسوېلو په ژبه

ساده خو نه يې خو حيا مې جوړ له خولې اخلي

ډېر مې خواستونه درته وکړه د لېمو په ژبه

وختونه هم د حقيقت ترجماني نه کوي

راځي نقطي جدا جدا يې د لمحو په ژبه

د انتظار په طوفاني خولو کې ډوب يمه زه

ستا د بار خو ستاينه تل وي د غرمو په ژبه

ما خو واعظه توبه کړې واخله بيا توبه

اوس خو توبه کولی نه شم د توبو په ژبه

باڼه دې برند وي ته که ويښ يې که وده يې اشنا

تل وي د غشو تذکره د پښتنو په ژبه

د محبت د تصرف به درته څه وايمه؟

وي د سبا په خوله چې څه مې وي د شپو په ژبه

حمزه رښتيا شو که هر څو مې ورته غوږ نه ايښود

هغه دروغ چې به راتلل د وسوسو په ژبه