تا سره اشنا شومه ستا سره بلد شومه

تا سره اشنا شومه ستا سره بلد شومه

خود له واکه ووتم تېر چې له خپل حد شومه

ماده سکه ترديد کړئ دا چې جهان نشته دی

گوري اضافت زما دې د پاره رد شومه

کار د آيينې سره پوه نه شوم زما څه و

ځان کې چې مشغول شومه ځان د پاره سد شومه

تا سره وحدت زما راغلو خو مونږ يو نه شو

ستا د الف قد په سر، تاج لکه د مدشومه

طفل د ابجدومه لار د محبت کې زه

لا خو (زه) په لار کې يم، څو که اب و جد شومه

ستا د التفات په وخت ښه پوره حمزه يمه

ستا چې التفات نه وي خپل نظر کې رد شومه