غزل ته له کومه ځايه چې همته پرېوتی شوې Hamza Shinwari Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 ته له کومه ځايه چې همته پرېوتی شوې داسې معلومېږي ترې په بره هم ختی شوې 02 ستوريو که ليدلی شوی زما د زړه داغونه بيا خو به د نمر سره يې هم سترگې نيوی شوې 03 ولې سړيتوب دې د اشنا په التفات ځي ای زما نظره صبرناکه ولې سپی شوې 04 زه دې اوس د فکر دايره هم دې محور يم لار دې هم په ما وه اشنا کوم طرف ته تلی شوې؟ 05 ته وې جوړ چاړه د پسرلي په لاس خزانه نوی ژوند دې راوړ جوړ زړو ته سر کلی شوې 06 نن چې اشنا راغی ولې ځان دې تېروېستل ته چې په وعده يې تل تر تله تېروتی شوې 07 ای د مينې رنگه ټول رنگونه دې کړل محو ځای دې هم حمزه و چرته ته پاتې کېدی شوې Dictionary meaning × Headword
