تول او تال

په سترگه دې پردې د لېونتوب دی لېونيه!

تۀ نه پېژنې تول، تۀ تش تال پېژنې

تۀ سترگې دلېلی وينې، لېلي نه وينې

تۀ زړه د سيپۍ نه پېژنې

ته وينې د گلاب سترگو کښې سور د ژوند خمار

نۀ ئې جال د جرړو وينې، نۀ ئې جنجال پېژنې

او اے د ادم زويه اے نازبينه د الله!

د زرو کالو باب کښې ته يو کال پېژنې

زما او ستا خبرې د هاتی ماشی وادۀ دے

زۀ ټوله لېلی وينم ته ئې يوخال پېژنې

زۀ ترک د لوگی ترک يمه د تول د ادم

تۀ نۀ پېژنې تول تۀ تش تال پېژنې

خو خاص دې ددې دوؤ لېونو سترگو د پاره

زه جوړ به خپل تصوير کړمه د ټکو دغباره