څه ش ی دی؟؟

زاهد يې رياضت د نفس خوارۍ کښې لټوي

عارف يې د زړه پوهی بيدارۍ کښې لټوي

بلبل ورپسې گرځي په باغو او گلشنونو

پتنگ يې ځان سېزلو سربازۍ کښې لټوي

ملا دکتابونو په حاشو کښې پسې ورک شو

کم عقل يې په ډېرې هوښيارۍ کښې لټوي

بډای وايي قارون قدر ته مال باندې مونده شي

ظالم يې په مرگونو خونخوارۍ کښې لټوي

خلک او خان گمان کړي چې به وي د حاکم څنگ کښې

اولاد يې د فرعون په بادارۍ کښې لټوي

هر څوک پخپل گمان ورپسې گرځي هرې خواته

د زړونو خاوندان يې دلدارۍ کښې لټوي

مين چې په رشتيا څوک پخپل قام او په ملت وي

هغه يې دوطن خدمتگارۍ کښې لټوي

د خير او د صلاح خاوند يې هر وخت په جهان کښې

د خدای د مخلوقات ده ستدار مۍ کښې لټوي