نظم څلوريځې Gul Pacha Ulfat Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 څوک خپل فکر ته ملگری لټوي څوک ملگرو ته خپل فکر بدلوي 02 چې خاوند د عقيدې وي په رښتيا عقيده له چا نه قربانوي 03 دا سطحي خبرې باد وړي بربادېږي چې خبره وي عميقه پاتې کېږي 04 سطحي مه اوسه خو ډېر زيات که عميق شي په خبرو دې بيا خلک نه پوهېږي 05 آزادي که خيراتي وي يا د چا مهرباني وي افتخار به پرې ونه کا که همت يې افغاني وي 06 قرباني چې پکښې نه وي هغه کله لوی اختر وي آزادۍ سره تړلې ډېره لويه قرباني وي 07 خوښه دې چې غلا کړې که فحشا او که سودونه کړې چا ته جاسوسي کړې که په چا باندې ظلمونه کړې 08 دلته د عمل آزادي هر چاته حاصله ده سر دې د وهو دی که آزاد ازاد فکرونه کړې 09 که وي شعر لکه در ښکلی آبدار د صنعت هنر او فن عالي شهکار 10 ورته غوږمه نيسه هېڅ ازاد فطرته که پکښې د غلامۍ وي څه اثار Dictionary meaning × Headword
