هېڅ پوه نه يم له تا چې شناسا يم او که نه

هېڅ پوه نه يم له تا چې شناسا يم او که نه

زه ستا په تماشا کې تماشا يم او که نه

هېڅ پاتې اعتبار يې د وينا نه دی په ځان

اشنا زما پوهېږي چې گويا يم او که نه

بر هم په دا مه شه چې زه اوس بې نياز شوم

اوس دی دغه سوال چې شيدا يم او که نه

پرسان دې له پرېشانو تورو شپو کوه اشنا

چې ستا د تورو زلفو په سودا يم او که نه

عالم متغير، متغير هره لمحه

لږ ما کړه پوهه ياره چې حمزه يم او که نه