هوښياره راته وايه چې روغ څه لېونی څه دی

هوښياره راته وايه چې روغ څه لېونی څه دی

پاتې يې ته په زړه کې هغه راز د ما په خوله دی

پاړو! د مار لړم اوده دې پاتې شوه بېکاره

خوړلی زلفو وروځو خو دمرگ په خوب اوده دی

مَېنو! ټولې لارې يوې لارې ته راگرځي

بې يو نه پاتې نه شي دغه راز د ژوندانه دی

نن سترگې مې وحشته په يو کس څنگه خوږې شوې

لږ پرېږده تذکر مې چې دادی او که دا نه دی

حمزه وار دې خطا شو په ارمان وې ددې ورځې

اشنا چې درته وايي، وايه وايه حال دې څه دی