وختونه دي اړخونه بدلوي رابدلوي

وختونه دي اړخونه بدلوي رابدلوي

اسمان دی نظرونه بدلوي رابدلوي

اشنا مې نظرونه بدلوي رابدلوي

زړگی مې هم اړخونه بدلوي رابدلوي

تقدير چرې ډاډ ور نه کړلو زړه ته د ضمير

هر څوکه قسمتونه بدلوي رابدلوي

هوښيار خو داسې نه مې و مارغه د تصور

پر نه کړي خو څانگونه بدلوي رابدلوي

فطرت چې د الفت دی له ښايسته عبارت

ښايست خوشې دامونه بدلوي رابدلوي

شايد چې بدلولی د انسان نه شي فطرت

دا څوک چې نظامونه بدلوي رابدلوي

پوستکی حمزه خير دی که بدل کړ لکه مار

پښتون کله رنگونه بدلوي رابدلوي