يار مې سر د يو بوسې په بدل وايي

يار مې سر د يو بوسې په بدل وايي

زر شه زر شه راته يار د اجل وايي

رقيب سپک لکه د مچ دی خو گرم نه دی

خپلو شونډو ته اشنا چې عسل وايي

بې له ياره چې خالي شي کور دفکر

صاحبان د عقل دې ته خلل وايي

خوږ اشنا مې که بند بند پرې کړي اشنا دی

دانايان کله گني وته نل وايي

سيه مست يې يو تربله بسته کړي

د څړۍ اوږده قصه يې ول ول وايي

د الفت په سيند کې کب د سوي زړه مې

د هجران دنهنگ سختې به تل وايي

حمزه ځار دې تخت و تاج شي له دې فخره

سمندر در ته بادشاه د غزل وايي