زه درته راغلم دقدم نښې دې وې ته نه وې

دښار په شونډو دې سندری ګرځیدی ته نه وې

په کور ، په کلې، په محل کې بس یوه کیسه وه

په هر محفل کې لکه شمع بلیدې ته نه وې

لکه دغیږې دماشوم څخه التی کیسه

دخا طرو پر پاڼه پاڼه اوریدی ته نه وې

خدای دې کرلې وه دسترګو په محفل کې تصویر

په هره اوښکه کې له ورایه ځلیدی ته نه وې

دسرو لمبو له کروندو څخه دې کوچ کړی ؤ

په  هر پانوس هره مینا کې سوزیدې ته نه وې

دربا بونو په ګوګل کې دې آ واز کرلې

په هر شهباز هره نغمه کې شرنګیدې ته نه وې

څه هنګامه دې دبلبلو په سهار ګډه کړه

لکه نسیم دګل پرسیمه تیریدې ته نه وې

دجهانې دیار وطن دې په یر غل نیولې

هره غزل ، هره مصرع کې مې راتلې ته نه وې