زما حال

تپه تياره ده زه رڼا ته انتظار لرمه

څومره ډېر کار لرمه

يمه پښې يبل او په لار کښې خنډو خارلرمه

بيړه تلوار لرمه

ملگری تللی زه ويده پاتې بېديا کښې يمه

غره او صحرا کښې يمه

واړه سپاره دي يو زه پلی په شابار لرمه

يوگوډی جوار لرمه

نور په موټرو کښې په منډه لکه برق تېرېږي

په لار کښې نه درېږي

زما په مخکښې دی گوډ خرتل خبردار لرمه

خدايږو ډېر عار لرمه

هر چا په برق باندې کوټه کرله توده او رڼا

هم راډيو پرې گويا

زه لا تر اوسه دتيلی په دکان کار لرمه

ورته جار جارلرمه

هر يو ميدان کښې دی ولاړ کوي اظهار دکمال

او د خپل جاه وجلال

زه هيڅ شی نلرم په تېرو افتخار لرمه

دمړو شمار لرمه

لاس او پښې سترگې لرمه شم هر کار کولی

زيار او زحمت ويستلی

کسب وکار نکړم چې غني دولتمن پلار لرمه

پرې اعتبار لرمه