زما لار

نيژدې سوى يم د ژوند وروستۍ شېبې ته

مخامخ يم د ژوندون وروستۍ پردې ته

واوره دوسته زه يې سپينه درته وايم

چي په څه لرم باور هغه به ستايم

ژوند مي ډك له خاطرو او له نكلونو

ټولي لاري مي كړې پى په سفرونو

هر سفر مي دى په خپله خوښه كړى

هر منزل مي دى شاهد د تكلونو

خو افسوس چي له دې دومره اوږدې لاري

له دې دومره پورته كښته كږلېچونو

د ويلو كيسه نه لرم دوستانو

خاطره د لاري نه لرم يارانو

چي بايد وه پر هغه لار مي پښې تللي

په انصاف مي عملونه دي تللي

پر عمل مي پرده نه ده غوړولې

ښه د ښو بد مي د بد په نوم بللي

هر قدم مي په احتياط په حساب ايښى

ټولي لاري مي پخپله ازمېيلي