ذوق يې د ښکلا له هرې ډډې چې کامل نه شو

ذوق يې د ښکلا له هرې ډډې چې کامل نه شو

ماته هغه کس په هېڅ ډگر کې مقابل نه شو

تېره شوه ځواني خو ما يې قدر پېژندلی و

نه ده تېره شوې، چې حسرت ترېنه حاصل نه شو

يم هغه سلطان چې له ماضي نه خراج اخلمه

حال د مستقبل له تقاضې راته حايل نه شو

جار دې له اوږدو غشو بڼو نه سترگې پورته کړه

هغه ته شاهد ويلی نه شي چې قاتل نه شو

زړه يې د شکم له غمه ورکړو بې نياز غوندې

شکر چې حمزه و هغه لوري ته مايل نه شو