تخت و تاج دې مبارک شه

تخت و تاج دې مبارک شه

د پښتون ټبر زلميه

دا ملت دې پر تا لوړ شي

پر غليم شوی برياليه

سترواکمن شوی د دې خاورې

رب دې ستر لره زمريه

د ولس ده غم شريک شه

ملت ويښ کړه ننګياليه

يو ګړۍ غفلت ونه کړې

واک ستا سوله دې پسه

په دردويې ځان خبر کړه

لاس دې مېنځه له هوسه

نور د هيڅ شي کمي نشته

خو تنهاچې تربيه شي

په ملي روح يې ژوندون وي

له تقليده بېګانه شي

يو د بل په غم شريک وي

له نفاق څخه ګوښه شي

خپل ځان وپېژني هسې

چې پر ځان باندې تکيه شي

اوس نو ستا ولاس ته ګوري

ملا دې وتړه احمده

د خپل قام په خدمت پاڅه

مرسته غواړه له احده