چرته ديار شونډې، چرته غم د دل و جان

چرته ديار شونډې، چرته غم د دل و جان

چرته کوتي لال او چرته لعل د بدخشان

پاک و منزه دی عشق د نفس له خاصيته

چرته چاه گېډې، چرته چاه د زنخدان

لږ تفاوت نهدی د رندۍ د زاهدۍ

چرته زلمي جونه، چرته کونډې يتيمان

واړه بې وقوف دي چې څوک دين په دنيا پلوري

چرته پينځه ورځې ، چرته عمر جاودان

ځار شه دهوا و حرص خيال تر قناعته

چرته ملک د مصر، چرته ديهه غلامان

نه شي دملنگو د خانانو سره کلي

چرته عزيز خان چرته ملنگ عبدالرحمان