چې مي خيال د ستا د مخ وي که هر څو بد يم خو ښه يم

چې مي خيال د ستا د مخ وي که هر څو بد يم خو ښه يم

چې مشغول دې په ثنا يم نو زه پوه شم چې زه زه يم

چې زه زه شم نو ته نه شې حيران تلی يم په فکر

په خرام خرام راتله کړې ای دلبره چې زه نه يم

وجونگړې ته مې راشه ضوفگنه شه زه وايم

چې ته ته نه يې هم زه يم او زه زه نه يم ته يم

که صغير دې د اعلی نه په اسفل کې چرې واورم

بيا به پاتې دلته نه شم دعليين چې زه مارغه يم

ته چې وايې دجلوس نه مې خالي نشته يوځای هم

که يو ځل راشې صنمه زه حمزه وايه په څه يم