غزل چې مې مينه خدای په تا باندې پيدا کړه Rahman Baba Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 چې مې مينه خدای په تا باندې پيدا کړه تر که ما په هغه ورځ خپله رضا کړه 02 اوس د ستا رضا، جفا کړې که وفا کړې ما د ستا جفا قبوله په وفا کړه 03 گل په لعلو په گوهر کله څوک پېري بې له ما چې تا خندا کړه ما ژړا کړه 04 بې له ما چې د ستا غم په هوس پېرم کوم وگړی په هوس د غم سودا کړه 05 دوه ياران به دا رنگ نه وي چا ليدلي چې يوه ورته ښکنځل کړه بل دعا کړه 06 ما و درست جهان ته شا و تاته مخ کړ تا و درست جهان ته مخ و ماته شا کړه 07 ډېر هندکي په جهان گرځي د چا ياد دي عشق عالي پايه د هير او د رانجا کړه 08 هم په دا يې تر همايه نام بلند شو چې قبوله عندليب د گل جفا کړه 09 نا اشنا د بېلتانه له غمه څه زده خدای دغه خواري په بخره د اشنا کړه 10 عاشقان د يار تر سپيو هم ځارېږي گڼه ما د رقيبانو څه پروا کړه 11 زه رحمان چې ستا د حسن ثنا خوان شوم ستا له رويه درست جهان زما ثنا کړه Dictionary meaning × Headword
