غزل د وصال شپه مې بدله په بېلتون شوه الغياث Rahman Baba Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 د وصال شپه مې بدله په بېلتون شوه الغياث د قيامت خواري راپېښه په ژوندون شوه الغياث 02 ما لا طمع د وصال د نعمتونو ترې کوله ناگهان کاسه نسکوره د گردون شوه الغياث 03 هغه چار چې مې په لاس وه زه پرې نه وم پوهېدلی اوس چې پوه شوم له اختياره مې بېرون شوه الغياث 04 د وصال په طمع طوق د جدايۍ شو را په غاړه هغه طمع چې زما وه اوس طاعون شو ه الغياث 05 په حکمت په عقل پېټی د عشق څوک اخيستی نه شي په دا کار کې ماته ملا د افلاطون شوه الغياث 06 ما رحمان د يار وصال په اسانۍ موندلی نه دی زرد رويې مې سرخرويي په جگرخون شوه الغياث Dictionary meaning × Headword
