غزل دا زه يم چې حاصل راته عرفان دی دتعمير Hamza Shinwari Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 دا زه يم چې حاصل راته عرفان دی دتعمير فطرت څخه نور څه دي، خو سامان دی دتعمير 02 زغمجن اوسه، تخريب که دالفت وي په ظاهر غافل چې نه شې راز پکې پنهان دی د تعمير 03 له کلکې ارادې جهان باقي ده عبارت مېږی هم په دې لار کې سلېمان دی دتعمير 04 ای عشقه هم گرانې دې اسانې کړې زما اسان دې راته هغه کړو چې گران دی دتعمير 05 بنياد د محبت مې چې تر څو وي سلامت ژوندی تر هغه وخته مې ارمان دی دتعمير 06 پېرې د لېونتوب دي چې راځي په سړيتوب روغ نه شو، تل مې څيرې گرېبان دی دتعمير 07 سېلاب د بېلتانه که نړول کړي په دا څه؟ همت مې مېړنی، غښتلی ځوان دی د تعمير 08 ټول ستا د يونظر او التفات دی برکت تر اوسه زما عزم چې افغان دی د تعمير 09 حمزه که څو لرمه زه دماغ د پښتانه باک نشته دی چې زړه مې مسلمان دی د تعمير Dictionary meaning × Headword
