دلته په دي خاوروکي دستورو ډک أسمان ويده

دلته مو (ساهو) جانان دي دلته مو ((امان)) ويده

مونږ د بي تصويره  يو ،بي لمر د يو

دلته دهندارو غوندي ځلنده انسان ويده

مروله تندي مرو،سترګي پرکوم ښکلي خوږي کاندو

دلته د (( ياقوتو چينه)) لال دبدخشان ويده

دلته دوطن دغرونو شين طوطي دمه کوي

دلته دچندڼوونه دلته ارغوان ويده

اوښکي د ليلا يې دسندرو توري توري دي

دلته مينه مينه د مجنون څيري ګريوان ويده

دلته به په زړه ګورئ دانوري سترګي کارنه کا

دلته درمزونو درازونو يو جهان ويده

ښکاري مرور دی هغه ورور هغه شاعر زما

دلته دوطن د((پسرلي)) ښکلي ارمان ويده

ډک زمونږ دزړونه دي تشيږي نه رودونه دي

دلته ټپه ټپه ده غزل ويده رمان ويده

پام کوه سلام کوه نيسمه چي ګستاخ نه شي

دلته يو عيار ويده يو ځوان مرد ميدان ويده

ده هم پنجه نر مه کړه دوخت له بل مغل سره

دلته يو سر تيری سپا هي دخوشال خان ويده

ستړي ستړي راغي درحمان غيږ کي يې سر کيښود

دلته دکندز دسرو غا ټول بيا بان ويده