عشق ته مقابل چې شو لا هو شو په زور ووايه

عشق ته مقابل چې شو لا هو شو په زور ووايه

حق دې دا ويل لکه د سيند يې په شور ووايه

چپ شولې جوړ ته د نصيحت رد عمل گورې

بويه چې يې وگورې واعظه خونور وواييه

زړه دې چې مېنه د وصال په بدل ور کړلو

خدای د پاره عشق خو ورته مه وايه پور ووايه

فصل وعدې خو دې پخلي ته نزدې شوی دی

ښه که په خوله نه وايې د وروځو په لور ووايه

زنگ دماسوی چې آيينې د زړه نه پورته شو

اوس چې شوې بې لوره نو هر لوري ته لور ووايه

مينې مېلمنه شوې د پښتون بې پته کېږه مه

اوس لکه مېرمنې غوندې زړه ته مې کور ووايه

ژوند د دنيا څه دی؟ د فطرت د پسرلي يوگل

جمع حمزه ښکاري، په ساعت ورته خور ووايه