غزل عشقه په حواسو کې مې ستا نه دښمني شوه Hamza Shinwari Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 عشقه په حواسو کې مې ستا نه دښمني شوه جوړه په ارمان او په خودۍ کې تربگني شوه 02 بڼ کې يې د زلفو د لېمو نه شوخي نه ځي څه که نگهتي ورشو نصيب د غرڅني شوه 03 عمر چې په ځوړ شو، دومره پوهه شومه عقله ژوند مې ستا د لاسه افسانه د لېوني شوه 04 وروځو ته مستي د بڼو لاړه سنجيده شول زده د غشو کار شو مشغله يې تېغ زني شوه 05 وي په تريخ زبان خو د وصال وعده خوږه وي نل د يار د لاس و خو مزه يې دگنی شوه 06 زړونه مسخر کړه د عنصرو تسخير څه کړې گرد په دې هوا کې شېرازه د جرمني شوه 07 راغلې پسرليه چې ډېر ډېر وورېدمه ستا په تصور مې د زړه سيمه گلشني شوه 08 سوی د شمعې ډېر دی قرباني د پتنگ زياته حسن د سوز برخه شو شُهره د مېړني شوه 09 خود زما د عشق جونگڼه ستا په سر پرېوځي خوی چې د سېلاب لرې شېوه دې بېخ کني شوه 10 اوس ورته وصال هم د زکات غوندې ښکارېږي ځار د تصور نه خواره مينه مې غني شوه 11 مستو سترگو ستا چې زه حمزه بياباني کړم اوس په تيندکونو مې څرمن د غرڅني شوه Dictionary meaning × Headword
