غزل فطرت چې منفعل د هر انسان پاتې کېده Hamza Shinwari Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 فطرت چې منفعل د هر انسان پاتې کېده هم دا وه مدعدا چې مسلمان پاتې کېده 02 يو شی و په يو جز کې شو ښايست په بل کې عشق بې دې نه دا جهان فقط امکان پاتې کېده 03 احسان که د نقاب دې و نو و په نظر قسمت دی چې دا بار مې په چشمان پاتې کېده 04 خاطر د محبت و چې ارمان مې کړو د ژوند هېڅ پوه نه وم چې ژوند هم يو ارمان پاتې کېده 05 کړم عشقه بړبوکۍ دې ناتمامه مسافت رو، رو به ورکېدم چې بيابان پاتې کېده 06 ای عشقه کړو اخر دې هم وحشت د چوتي يار دا ستا چې سلامت ترې نه گرېوان پاتې کېده 07 ای درېغه پسرلی چې د ځوانۍ وی همېشه حمزه چې دې تر عمره غزل خوان پاتې کېده Dictionary meaning × Headword
