ګوره هسې کردګار دى رب زما

ګوره هسې کردګار دے رب زما

چې صاحب دکل اختيار دے رب زما

همګى بزرګواران چې څوک ئې وائى

ترهمه ؤ بزرګواردے رب زما

نه ئې هيڅ حاجت په چاباندې موقوف دے

نه دهيچا منت بار دے رب زما

خوائنده دنانويسو صحيفودے

داننده دهراسرار دے رب زما

هسې نه چې واحدى ئې ده له عجزه

په واحد وجود بسيار دے رب زما

څه حاجت دے چې ئې بله خواته غواړم

پخپل کور کښې همکناردے رب زما

هيڅ تغير وتبديل نه لرى رحمانه

تل ترتله برقرار دے رب زما