غزل ژوندونه تقاضې دې پرېشانۍ نه دي نور څه دي Hamza Shinwari Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 ژوندونه تقاضې دې پرېشانۍ نه دي نور څه دي چې زړه شي په تا جمع نادانۍ نه دي نور څه دي 02 راځه عشقه راځه خو په جامه د پښتانه کې ستا خپل چې کوم لباس دی،عريانۍ نه دي نور څه دي 03 منزل راته موسکی شو، خو چې لوړ ژور يې لر کړل دا لويې کارنامې د روانۍ نه دي نور څه دي 04 کوم ښکلی چې راوگوري نظر مې ترې ټيټېږي دا واړه تيندکونه د ځوانۍ نه دي نور څه دي 05 عارف د هغه مخ يم، په يو څيز نه حيرانېږم دا اوس چې کله راشي، حيرانۍ نه دي نور څه دي 06 خواهش مې په ځوانۍ دی، خو ديدن د اشنا نه کړم ماشومه عشقه دا پښېمانۍ نه دي نور څه دي 07 حمزه! اوس يې بها شوه دوه جهانه سر د پاسه دا هم چې ستا په خيال کې ارزانۍ نه دي نور څه دي Dictionary meaning × Headword
