غزل که څوک لاس له سوده وکاږي زيان نشته Rahman Baba Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 که څوک لاس له سوده وکاږي زيان نشته په ملنگ باندې قلنگ او تاوان نشته 02 دوفا خريداران دې بل خوا درومي دا متاع د زمانې په دوکان نشته 03 جدايي له اشناييه پيدا کېږي نا اشنا لره هېڅ غم د هجران نشته 04 مگر ځان و خدای ته پاسلي په امان شي گڼه بل خوا ته د هېچا امان نشته 05 هغه يار به زه و کومه خوا ته غواړم چې يې هېچرې منزل او مکان نشته 06 دلبران که هر څو ډېر دي په جهان کې زما يار غوندې دلبر په جهان نشته 07 چې هم قد لري هم زلفې هم سرې شونډې دغه هسې رنگ آفتاب په اسمان نشته 08 عشق عاشق لره يو هسې گلستان دی چې وباغ وته يې لار دخزان نشته 09 عاشقان په عشق کې واړه سلطانان دي په دا ښهر کې نېست گار او ناتوان نشته 10 که مجنون غوندې په عشق کې څو صادق شي د ليلی په دروازه کې دربان نشته 11 دانايان به د رحمان په قال پوهېږي دلته کار د هر نا اهل و نادان نشته Dictionary meaning × Headword
