غزل له اغيار سره خندا څه په کار نه ده Rahman Baba Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 له اغيار سره خندا څه په کار نه ده له اغيار سره سودا څه په کار نه ده 02 سل يارۍ د يوه يار د پاره کېږي اشنايي دهر اشنا څه په کار نه ده 03 هر بلبل به دې ثنا کا که ته گل شې په خپل ځان خپله ثنا څه په کار نه ده 04 عشق د بوی په څېر په پټه خوله څرگند وي په دا چارو کې غوغا څه په کار نه ده 05 د عشق درد واړه عاشق لره راحت دی ددې هسې درد دوا څه په کار نه ده 06 بد له بدو سره بويه، نېک له نېکو دجفا په ځای وفا څه په کار نه ده 07 عاشقي حرص و هوا دي سره لرې د بيمار په ځان هوا څه په کار نه ده 08 عاشقي نادره چار ده په جهان کې ولې بې خدايه سودا څه په کار نه ده 09 که يې کړم هم څه يې نه کړمه سوگند دی وابستگي ددې دنيا څه په کار نه ده 10 د دنيا مينه بې کاره اورېده شوه چې مې وليده رښتيا څه په کار نه ده 11 که رحمان په جهان ډېر پايم دلبره زندگی زما بې تا څه په کار نه ده Dictionary meaning × Headword
