غزل سر په صحرا لکه مجنون يمه د ستا د لاسه Hamza Shinwari Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 سر په صحرا لکه مجنون يمه د ستا د لاسه په زړه زخمي د ستا د زلفو د بلا دلاسه 02 تا دې هم خدای کاندي مفتون د چا په تورو سترگو چې نوش کوې ډکې پيالې د سم د چا د لاسه 03 سوړ اسوېلی د شپې، ژړا دې دسحر شه نصيب سوی ځيگر لوغړن پرېوځې د جفا دلاسه 04 خوب دې د سترگو نه فرار شه د بېلتون په نشه ورک دې قرار شه دسحر باد سبا د لاسه 05 تا مې جاري په ځای داوښکو کړو له سترگو نه خون خوراک دې وينه د ځيگر شه د حنا د لاسه 06 يوځلې رنگ شې په تهمت باندې په شانې زما په کور او کلي کې رسوا شې د اشنا دلاسه 07 د سوي لوي زړه په درد باندې به پوه شې هله سوخته په برق چې شې د چشم فتنه زا لاسه 08 ستا که شعار جور وجفا وي نو جفا کوه ته ولې مجبور يمه حمزه خپلې وفا دلاسه Dictionary meaning × Headword
