صبر سکون او اطمېنان مې بائيلو

صبر سکون او اطمېنان مې بائيلو

جانان مې اوګټو خو ځان مې بائيلو

د څو رنګينو شان لمحو په لالچ

سم عبادت وو په شيطان مې بائيلو

څه په کم ظرفو جوارګرو پېښ شوم

ځان مې په بائيلو خو ارزان مې بائيلو

څه مې حاصل کړل د جانان د کوڅې نه

ديدن مې اوکړو خو ګرېوان مې بائيلو

څه چې ګټې څه به بائېلې زړګيه

منزل ما اوګټو کاروان مې بائيلو

په شيخ مې اوڅښل په خندا شو وې وې

لذت يې ډېر وو خو ايمان مې بائيلو