غزل څو څو ځله چې مړ شو بيا ژوندی هله شيدا شو Hamza Shinwari Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 څو څو ځله چې مړ شو بيا ژوندی هله شيدا شو د مرگ او ژوند د حد نه چې بهر شو مسيحا شو 02 ما شپې د انتظار ورته په سرو شونډو ژړلي رو رو په موسېدو لکه سحر و په خندا شو 03 شايد چې اشنايي د غيريت لارې پرانيزي حيران يم هغه ښکلی اشنا نه شو چې اشنا شو 04 خواخوږيه انتظاره اوس مې ته په زړه ورېږې راځه د سترگو خونه مې روښانه کړه سبا شو 05 زه نه وم دروغجن چې دا مې وې زړه مې ورک دی اشنا چې تا مې لاس په سينه کېښودو پيدا شو 06 پيدا شي لېوني د بړبوکو پکې پخپله کوم زړه چې د بېلتون د حوادثو نه صحرا شو 07 حمزه! جز د هوس دی چې خبر دې کړم له رشکه ښايست خو داسې څيز دی چې ښکاره شو د هر چا شو Dictionary meaning × Headword
