غزل تل دې ستا د خوب آلودو سترگو خواب وي Rahman Baba Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 تل دې ستا د خوب آلودو سترگو خواب وي چې فتنې په خوب ويدې شي ډېر صواب وي 02 لکه مې چې په مينا کې تجلی کا نور د حسن په حجاب کې بې حجاب وي 03 ته چې ماته لولوې پټۍ د صبر زه هم ډېر په دا راضي يم که مې تاب وي 04 زه په دا واسطه ترکو پسې ژاړم چې ژړا دعاشقانو د مخ آب وي 05 که نادان وي هم دا هومره خو پوهېږي څوک چې نه ژاړي په يار پسې کذاب وي 06 د عاشق سترگې په دا سبب شوې پاکې چې مدام د جوی په سر لکه حباب وي 07 له خالي خونې به څه وړي چې څه نه وي که ختلی د حُباب په کور سېلاب وي 08 هم په دا يې د نغمې اثر پيدا شو چې په تشه گېډه صبر د رباب وي 09 د حريص له خپله نقده پهره نشته لکه مار د گنج د پاسه پېچ و تاب وي 10 کاملان تعلقات د دنيا نه کا لکه پاڼې د خزان پښه په رکاب وي 11 غفلت هېڅ عجايب نه دی په دنيا کې ساکنان دخرابات واړه خراب وي 12 چې ښادي غواړي بې شماره بې حسابه په رحمان به د غمونو څه حساب وي Dictionary meaning × Headword
