غزل يو يو داغ په ټټر ايښی د هر چا دی Rahman Baba Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 يو يو داغ په ټټر ايښی د هر چا دی که بادشاه د ولايت دی که گدا دی 02 سېرابي په سرچشمه د دنيا نشته تشنه لب يې گوښی گوښی په غوغا دی 03 لږ راحت په ډېر زحمت باندې مونده شي ددې د هر خس حرام شه که ويړيا دی 04 د دنيا ښادي بې غمه مونده نه شي لږ خيرات د شوم له کوره په بلا دی 05 فراغت پرې باندې ولې حرام نه وي چې داخل په سراچه ددې دنيا دی 06 د مجنون د حال پوښتنه به څوک څه کا جهان واړه کورا کور مجنون ليلا دی 07 عشق يوهسې رنگ افسون په عالم پو کړ چې عاشق په تورو سترگو نابينا دی 08 و هر چا يې بخره ور کړه گوښې گوښې خپل قسمت د هر سړي جدا جدا دی 09 ورکړه راپېروده ټول د بل په لاس دي دلته دخل نه زما دی نه د ستا دی 10 په هر کار چې د صاحب د زړه رضا شي په بنده که ناروا وي هم روا دی 11 خواه ناخواه که يې رضا وي که يې نه وي د قسمت رسد رضا او نا رضا دی 12 ځان ايمان سپارلی بويه و هغه ته چې يې حکم جاري شوی په هر چا دی 13 د هر چا په لاس چې حکم حاکم ور کا جهان واړه د هغه په مدعا دی 14 چې مولا ور سره مل نه وي رحمانه! که لښکرې ورسره وي يک تنها دی Dictionary meaning × Headword
